నేచురల్ స్టార్ నాని తన ఆకర్షణీయ ఇమేజ్ను వదిలి, ‘ది పారడైజ్’ చిత్రంలో ‘జడల్’ పాత్రలో కనిపించనున్నారు. దసరా ఫేమ్ శ్రీకాంత్ ఓడెల దర్శకత్వంలో, సుధాకర్ చెరుకూరి నిర్మాణంలో SLV సినిమాస్ బ్యానర్పై రూపొందుతున్న ఈ చిత్రం ఫస్ట్ లుక్ అభిమానులను ఆకట్టుకుంది. నాని గడ్డం, మీసాలతో, రెండు జడలతో వినూత్న లుక్లో కనిపిస్తున్నారు. పోస్టర్లో కత్తులు, బుల్లెట్లతో రూపొందిన చక్రం, కాకుల నేపథ్యం చిత్రం యొక్క తీవ్రతను సూచిస్తున్నాయి. ‘ఇది జడగా మొదలై, విప్లవంగా ముగిసింది’ అనే ట్యాగ్లైన్ పాత్ర గురించి హింట్ ఇస్తోంది.
హైదరాబాద్, సికింద్రాబాద్ నేపథ్యంలో రూపొందుతున్న ఈ పీరియడ్ యాక్షన్ డ్రామాలో రాఘవ్ జుయల్ కీలక పాత్రలో నటిస్తున్నారు. అనిరుధ్ రవిచందర్ సంగీతం, చ సాయి సినిమాటోగ్రఫీ, నవీన్ నూలి ఎడిటింగ్, అవినాష్ కొల్లా ప్రొడక్షన్ డిజైన్తో ఈ చిత్రం రూపుదిద్దుకుంటోంది.
