ఉస్తాద్ రామ్ పోతినేని ప్రేక్షకులను అలరించేందుకు సిద్ధమవుతున్నారు. ఆంధ్ర కింగ్ తాలూకా అనే గ్రామీణ ఎంటర్టైనర్లో ఆయన సినిమా ఫ్యాన్ పాత్రలో నటిస్తున్నారు. మహేష్ బాబు పి దర్శకత్వంలో మైత్రీ మూవీ మేకర్స్ నిర్మిస్తున్న ఈ చిత్రం షూటింగ్ పూర్తి చేసుకుని నవంబర్ 28న థియేటర్లలో విడుదల కానుంది.
నేడు మేకర్స్ పెద్ద అప్డేట్ ఇచ్చారు. అక్టోబర్ 12న టీజర్ విడుదల చేయనున్నారు. టీజర్ పోస్టర్లో రామ్, భాగ్యశ్రీలు నవ్వుతూ, మధ్యలో ప్రొజెక్టర్ లైట్ బీమ్ ఉంది. ఇది సినిమా థీమ్ను సూచిస్తోంది. వివేక్ & మెర్విన్ స్వరసారథ్యంలో వచ్చిన మొదటి రెండు పాటలు ఇప్పటికే భారీ బజ్ సృష్టించాయి. ఉపేంద్ర సూపర్స్టార్ పాత్రలో కీలకంగా నటిస్తున్నారు.
